सङ्घीय मामिला तथा सामान्य प्रशासन मन्त्रालयले निजामती कर्मचारीका सन्ततिलाई छात्रवृत्ति प्रदान गर्ने भएकाले भएकाले योग्यता पुगेका इच्छुकबाट दरखास्त आह्वान गरेको छ ।
बिज्ञापन
निजामती कर्मचारीका सन्ततिलाई शैक्षिक प्रोत्साहन वृत्ति उपलब्ध गराउने सम्बन्धी निर्देशिका, २०७९ अनुसार स्वदेशी विश्वविद्यालय वा त्यस्तो विश्वविद्यालयको आङ्गिक वा सम्बन्धन प्राप्त शिक्षण संस्थामा कुनै विषयमा स्नातक वा सो सरहको तहमा प्रथम वर्ष वा पहिलो वा दोस्रो सेमेस्टरमा भर्ना भई अध्ययन गरिरहेको कर्मचारीका सन्ततिलाई १५ दिनभित्र आवेदन दिन आह्वान गरेको हो ।
बिज्ञापन
स्वदेशी विश्वविद्यालय वा विश्वविद्यालयको आगिंक वा सम्बन्धन प्राप्त शिक्षण संस्थामा स्नातक तह प्रथम बर्ष वा प्रथम तथा द्धितीय सेमेष्टरमा अध्ययनरत निजामती कर्मचारीका सन्ततीका लागि चालु आर्थिक बर्ष २०८२/ ८३ मा प्रदान गरिने शैक्षिक वृत्तिका लागि आवेदन फाराम भरी १५ दिनभित्रमा शैक्षिक प्रोत्साहन वृत्ति व्यवस्थापन समितिको सचिवालय,संघीय मामिला तथा सामान्य प्रशासन मन्त्रालयमा अनलाइन दरखास्त पेश गर्न आह्वान गरिएको छ ।
संघीय मामिला तथा सामान्य प्रशासन मन्त्रालयका अनुसार, निजामती सेवा ऐन २०४९,स्वास्थ्य सेवा ऐन ०५३,व्यवस्थापिका संसद् ऐन ०६४ बमोजिम सेवाका पदमा बहाल रहेका र कर्मचारी समायोजन ऐन ०७५ बमोजिम सरकारी सेवाबाट प्रदेश वा स्थानीय तहमा समायोजन भएका कर्मचारीका सन्ततिले यस्तो वृत्ति पाउने जनाइएको छ ।
बिज्ञापन
